Danmörk - Aarhus
Samskip leggja áherslu á að veita góða alhliða þjónustu í búslóðarflutningum en margt þarf að hafa í huga þegar flytja á búslóð til landsins.
1. Magn: Hversu mikið magn flytur þú með þér? Hér getur þú reiknað út rúmmál búslóðar. Þar er hægt að fá viðmiðunartölu fyrir stærð búslóðar til að nota í tilboðsbeiðni. Ef þessi tala er hærri en 14 m3 þá er oftast hagkvæmara að taka gám.
2. Tilboðsbeiðni: Til að fá verð í flutning þá þarf að fylla út tilboðsbeiðni. Mikilvægt er að fylla út í alla *merkta reiti sem og magn búslóðar sem á að flytja.
3. Skjöl sem þarf að fylla út áður en búslóð er flutt: Bókunar og innihaldslisti, er fylltur út um leið og búslóð er pakkað. Á sama blaði er verðmætalisti fyrir tryggingar sem einnig þarf að fylla út. Samskip gera þá kröfu að farmflytjandi (sendandi) láti tryggja búslóð fyrir flutning. Flestir hafa heimilistryggingu á eigum sínum og er því jafn sjálfsagt að tryggja þær við flutning í bílum og skipum um heiminn. Starfsfólk Samskipa gefur allar upplýsingar um tryggingaskilmála og aðstoðar við kaup á tryggingum.
4. Panta flutning: Panta þarf allan flutning með minnst þriggja daga fyrirvara. Vinsamlegast settu þig í samband við skrifstofuna sem er næst þínu heimili.
Samskip AS
Århus
Nordhavnsgade 14
P.O. Box 73
DK-8100 Århus C
Tel: +45 46 98 46 98
Copenhagen
Hammerholmen 39E
DK-2650 Hvidovre
Tel: +45 39 27 12 13
5. Skilatími:
| Skilatími í flutning | FCL/Heilgámur | LCL/Lausavara |
| Århus | Föstudagur 12:00 | Fimmtudagur 12:00 |
| Kaupmannahöfn | Fimmtudagur 15:00 | Fimmtudagur 12:00 |
6. Koma skips og tollun: Búslóðareigandi ber ábyrgð á að fylgjast með komu skips og tollun. Áður en búslóð fæst afhent þarf eigandi eða umboðsaðili eiganda að fylla út yfirlýsingu vegna innflutnings á búslóð og skila henni til Jóna Transport . Búslóð verður að vera skráð á þann aðila sem er að flytja til landsins (ekki er leyfilegt að skrá búslóð á fyrirtæki í flutningi til landsins).
7. Greiðsla: Flutning þarf að greiða áður en Samskip afhendir vöruna. Hægt er að greiða með símgreiðslu, raðgreiðslusamningi fyrir korthafa eða staðgreiðslu.
8. Gámaleiga og geymslugjöld:
Heilgámar: Sjö dögum eftir komudag skips reiknast gáma og stæðaleiga.
Lausavara: Sjö dögum eftir komudag skips reiknast geymslugjöld.
Ef þú hefur frekari spurningar þá vinsamlegast sendu okkur fyrirspurn á customer.service@samskip.com eða hringdu í síma 458-8000
Heimasíðu Tollstjóraembættisins (búslóðir) er að finna hér, og er viðskiptavinum bent á að kynna sér hana vel.
