Samskip - Fréttir
Arnarfell og Helgafell fá alþjóðlega öryggisvottun
Gámaskipin Arnarfell og Helgafell, sem eru í eigu Samskipa hafa, fyrst íslenskra skipa, hlotið öryggisskírteini frá Alþjóða siglingamálastofnuninni (ISPS Code).
Öryggisvottun skipanna er gefin út í skráningahöfn þeirra beggja á Mön. Samkvæmt reglum Alþjóða siglingamálastofnunarinnar verða öll skip í millilandasiglingum að vera komin með slíka vottun frá og með 1. júlí næstkomandi. Útgáfa slíkrar öryggisvottunar er liður í baráttu gegn alþjóðlegri hryðjuverkastarfsemi.
