Samskip - Fréttir
Breytingar á þjónustu Samskipa til og frá Noregi
Frá og með 1. apríl nk. mun fyrirkomulag flutninga Samskipa til og frá Noregi breytast. Ástæða þessa er að þjónusta lestarinnar, sem flutt hefur sendingar fyrir Samskip á milli Osló í Noregi og Varberg í Svíþjóð, er að taka breytingum.
Flutningum á vegum Samskipa til og frá Noregi verður framvegis sinnt með skipum í gegnum Rotterdam og verða viðkomuhafnirnar Kristiansand, Breivik, Larvik, Osló og Moss. Þessi fjölgun viðkomustaða í Noregi býður viðskiptavinum Samskipa upp á fjölbreyttari möguleika í flutningum til og frá Noregi.
