Þjónustustaðlar

Hvers mega viðskiptavinir okkar vænta af þjónustu innanlandsflutninga Samskipa?

Afgreiðslutími

Afgreiðslutími hjá innanlandsdeild Samskipa í Reykjavík er mánudaga til föstudaga frá kl. 8.00 til kl. 16.00. Opnunartíma innanlandsþjónustu á öðrum stöðum er að finna undir afgreiðslum og umboðsmönnum.

Afhending vörusendinga

Almenn vara og frysti- og kælivara, sem á að fara með áætlunarbílum innanlandsflutnings, þarf að berast ekki seinna en tveimur klukkustundum fyrir brottför áætlunarferða.

Frysti- og kælivara til Austurlands og Vestfjarða þarf að berast fyrir hádegi á brottfarardegi.

Ekki er unnt að tryggja að vara sem berst síðar í hús en ofangreind tímamörk kveða á um fari með áætlunarbílnum samdægurs.

Frágangur fylgibréfa

Með öllum sendingum þarf að vera fylgibréf. Mikilvægt er að sendandi fylli út í alla reiti fylgibréfs hverrar sendingar. Á það einnig við um upplýsingar vegna þyngdar og rúmmáls sendingarinnar hverju sinni. Sendandi ber ábyrgð á að þær upplýsingar, sem tilgreindar eru í fylgibréfi, og merkingar vöru séu réttar. Hann er ábyrgur fyrir þeim kostnaði eða tjóni er hljótast kann af því að upplýsingarnar eru rangar, ónákvæmar, ógreinilegar eða að öðru leyti ófullkomnar.

Akstursáætlanir

Brottfarartími áætlunarbíla er misjafn eftir leiðum. Viðskiptavinir eru hvattir til að kynna sér ítarlega akstursáætlun hvers brottfarar- og ákvörðunarstaðar fyrir sig. Upplýsingar um akstursáætlanir má finna undir áætlanir.

Akstur

Innanlandsdeild býður upp á akstur á gámum og lausavöru að dyrum viðskiptavina degi eftir að beiðni berst. Gjald er tekið fyrir akstur. Tómir gámar eru sóttir til viðskiptavina innan þriggja virkra daga frá því að beiðni berst.

Strandflutningar

Skilatími gáma

Reykjavík: Kl. 12.00 á mánudegi.

Ísafjörður: Kl. 12.00 á þriðjudegi.

Akureyri: Kl. 11.00 á miðvikudegi.

Reyðarfjörður: Kl. 14.00 á fimmtudegi.

Þjónustuvefurinn

Á þjónustuvef innanlandsdeildar Samskipa geta viðskiptavinir bókað sendingar og nálgast upplýsingar um viðskipti sín þegar þeim hentar. Þar er hægt að skoða yfirlit yfir sendingar sem þegar hafa verið fluttar, kanna verð á sendingum, skoða skráningu fylgibréfa, nálgast upplýsingar og panta akstur.

Með þjónustuvefnum vilja innanlandsflutningar Samskipa auka þjónustu og þekkingarsambandið við viðskiptavini sína.

Til að fá aðgang að þjónustuvefnum er hægt að hafa samband við þjónustufulltrúa, senda tölvupóst á netfangið innanlands@samskip.is eða hafa samband í síma 458 8000.