Þjónusta Vörumiðstöðvarinnar

Vörumiðstöðin býður upp á margskonar lausnir hvað varðar þjónustu og er hún oftast sérsniðin að þörfum viðskiptavina hverju sinni. Hér fyrir neðan eru nokkur dæmi um mismunandi þjónustu til viðskiptavina.

Hefðbundin leið

Vara kemur til geymslu ýmist í innflutningi eða frá innlendum birgja. Varan er móttekin, sett í geymslu (geymsluhólf). Vara er ýmist afhent beint úr geymsluhólfi (heilpallar) eða afhent úr tínsluhólfum (kassar, einingar) og byggður upp pallur til afhendingar. 

Sendingu skipt upp

Vara kemur frá birgja á einu bretti og er afhent á marga fyrirfram skilgreinda staði með svokölluðu „Put to store“ kerfi, þar sem brettinu er skipt upp á staðina.

Mörg bretti á marga staði

Vara kemur á brettum til vörumiðstöðvarinnar, þar sem sérhvert bretti hefur ákveðinn móttakanda (cross-docking) og eru þau svo afhent á viðeigandi afhendingarstað.

Önnur þjónusta

Vörumiðstöðin veitir ýmsa aðra þjónustu s.s. merkingu á vörum, pökkun (í stærri umbúðir, fleiri vörur í sömu pakkningu), samsetningu á vörum (t.d. grill) o.fl.

Sjá skýringarmynd um ólíka ferla í vörumiðstöð.

Miðstöð fyrir millilanda- og innanlandssendingar

Í vörumiðstöðinni mætast millilanda- og innanlandskerfi Samskipa og gegnir hún lykilhlutverki í samþættingu kerfanna. Sendingar á leið til og frá landinu með Samskipum eða Jónum Transport fara um miðstöðina auk allra sendinga með innanlandsdeild Samskipa, sem sinna flutningum um land allt og dreifingu á höfuðborgarsvæðinu. Auk þess fara þúsundir bretta um húsið á ári hverju í beinni hýsingu.

Hvers kyns vörur hýsum við?

Vörumiðstöðin geymir vörur af öllum stærðum og gerðum, hvort sem um er að ræða almenna þurrvöru, frystivöru, kælivöru eða hættulegan varning. Fjölbreyttar hólfagerðir tryggja að vara er geymd í hentugu hólfi sem lækkar geymslukostnað.

Í vörumiðstöðinni eru bæði geymdar tollafgreiddar og ótollafgreiddar vörur og býður það upp á sveigjanleika fyrir innflytjendur sem geta látið tollafgreiða hluta af sendingum eins og hentar hverju sinni.

Ekki hika við að hafa samband við þjónustufulltrúa fyrir hvers kyns aðstoð og ráðleggingar, netfangið er vorumidstod@samskip.com