Gámategundir og tækniupplýsingar

Hér finnur þú allar helstu upplýsingar um gáma og gámaþjónustu okkar. Samskip bjóða ýmsar tegundir gáma fyrir mismunandi flutninga og tegundir farms. Við notum mest 20 og 40 feta þurrgáma, kæli- og frystigáma og fleti. Við getum að auki flutt stóra farma utan gáma eins og við á og sinnum sérlausnum í flutningum.

Hafðu samband við okkur til að finna hentugustu lausnina fyrir þína flutninga og tegund farms.

Nánari lýsingu, mál og stærðir á gámategundum sem í boði eru

20 feta þurrgámar, lausafarmsgámar, fleti og með opnum topp
40 feta þurrgámur, fleti eða opnum topp og segli
40 feta lágþekjufrystigámur
40 feta hágþekjufrystigámur

Skoða gámategundir nánar

Gámaleiga

Gámaleiga hefst þegar gámur er losaður frá borði og lýkur þegar hann hefur verið tilkynntur tómur. Frá komudegi gáms í höfn reiknast 4 frídagar, nema annað hafi verið samið sérstaklega. Að þeim loknum hefst gámaleiga samkvæmt gildandi gjaldskrá.

Frídagar og leigudagar telja alla almanaksdaga, þar með talið helgar og helgidaga.
Viðskiptavinir sem flytja búslóð fá 14 daga án endurgjalds frá komu skips áður en gjöld taka gildi.
Sjá gildandi gjaldskrá hér fyrir neðan:

Stæðaleiga

Stæðaleiga er gjald sem fellur til þegar gámur stendur á gámavelli Samskipa lengur en sá frítími sem veittur er. Frá komudegi gáms í höfn reiknast 4 frídagar, nema annað hafi verið sérstaklega um samið.

Að þeim tíma loknum leggst svæðisgjald á fyrir þann tíma sem gámurinn er geymdur á athafnasvæði Samskipa áður en hann er sóttur, samkvæmt gildandi gjaldskrá.

Afhending gáms

Beiðnir um akstur, afhendingu eða skil á tómum gámum skulu berast í gegnum þjónustuvef Samskipa eða á netfangið inn@samskip.com.

Athugið að bílstjórar og annað starfsfólk hafa ekki heimild til að staðfesta eða taka við slíkum beiðnum.
Berist beiðni eftir kl. 16:00 telst hún móttekin kl. 08:00 næsta virka dag.

Gjaldskrá gámaleigu

Hér er að finna gjaldskrá fyrir gámaleigu hjá Samskipum. Verð eru án VSK.
Gildir frá maí 2025.

Gámategund	ISO kóði	Verð pr. dag $USD
20 feta þurrgámur (20DC)	22G1	$120
20 feta lausafarmsgámur (20BK)	22B1	$120
20 feta fleti (20FR)	22P3	$120
20 feta gámur með opnum topp og segli (20OT)	22U1	$120
20 feta tankur (20TK)	22T1	$350
20 feta frystigámur (20RF)	22R1	$350
40 feta þurrgámur (40DC)	42G1	$180
40 feta fleti (40FR)	42P3	$400
40 feta gámur með opnum topp og segli (40OT)	42U1	$400
40 feta hár gámur (40HC)	45G1	$180
40 feta hærri og breiðari gámur (40PH)	4EG1	$180
40 feta breiðari gámur (40PW)	4CG1	$180
40 feta lágþekjufrystigámur (40RF)	42R1	$480
40 feta háþekjufrystigámur (40HR)	45R1	$480

Gámar í leigu annara skipalína (SL/SO)
20 feta tegundir nema frystigámar	N/A	$380
40 feta tegundir nema frystigámar	N/A	$380

Svæðisgjöld á Íslandi (4 frídagar innifaldir í flutningsgjöldum)	20ft á dag (ISK)	40ft á dag (ISK
Þurrgámar	5.000	10.000
Opnir gámar	5.000	10.000
Fleti	10.000	10.000
Frystigámar	10.000	10.000

Hámarksþyngdir gáma

Í töflunni hér til hliðar er að finna leyfilega hámarks innihaldsþyngd gáma (Cargo Gross MT) eftir löndum. Við hvetjum viðskiptavini til að kynna sér vel leyfilega þyngd á gámum, því yfirvöld í mörgum löndum líta brot af þessu tagi alvarlegum augum.

Hægt er að skoða nánar upplýsingar á mynd hér til hliðar eða í töflu fyrir neðan sem og á vef International Transport Forum.

Skoða töflu nánar

International Transportation Forum

Afhending á tómum gámum

Þegar tómum gámum er skilað eftir notkun eru nokkur atriði sem vert er að hafa í huga.

Viðskiptavinir eru beðnir um að athuga eftirfarandi:

Þegar gámum er skilað til Samskipa eiga þeir að vera tómir og hreinir. Þá ber að skila öllum sjóbúnaði, svo sem spansettum (borðastrekkjara), loftpokum, keðjum og yfirbreiðslum.
Bílstjórar hafa ekki heimild til að taka gáma sem eru ekki tómir. Kostnaður vegna auka aksturs greiðist af þeim sem pantar gámaakstur.
Séu gámar ekki tómir eða hreinir leggst á aukakostnaður vegna hreinsunar og, eða förgunar á brettum eða rusli, samkvæmt verðskrá.
Sé sjóbúnaði ekki skilað leggst aukakostnaður á viðskiptavin vegna vöntunar á búnaði,samkvæmt verðskrá.
„Open Top“ gámum á að skila til Samskipa með segli og sperrum uppsettum.
Hitastýrðir gámar eiga að vera með tengisnúru uppgerða og gengið frá henni í þar til gert box á vél.

Ef tjón verður á gámum Samskipa í vörslu viðskiptavinar, er það á ábyrgð viðskiptavinar sem greiða þarf fyrir tjónið.
Aðgengi að gámum skal vera fullnægjandi.
Sé gámum skilað skemmdum leggst aukakostnaður á viðskiptavin samkvæmt viðgerðaráætlun.
Ef tjón verður á gámum Samskipa í vörslu viðskiptavinar, og/eða búnaði tengdum þeim, ber að tilkynna slíkt til Gámastýringardeildar Samskipa með tölvupósti á:  cdr@samskip.com eða í síma 458-8483 eða 458-8602.
Sé gámum ekki skilað leggst aukakostnaður á viðskiptavin samkvæmt verðskrá á gámaleigu.