Starfsemin

Eitt stærsta siglinganet Evrópu

Samskip bjóða upp á heildarþjónustu á Íslandi og í Færeyjum, fjölþátta gámaflutningsþjónustu um alla Evrópu, frystiflutninga og flutningsmiðlun um allan heim. Kynntu þér flutningsnetið okkar og siglingaáætlanir.

siglingaáætlanir

Flutningafyrirtæki á heimsmælikvarða

Félagið er eitt af stærri flutningafyrirtækjum í Evrópu með um 668 milljónir evra í veltu á ári og starfsstöðvar í 26 löndum í Evrópu, Norður- og Suður-Ameríku, Asíu og Ástralíu. Starfsmenn eru um 1.500 talsins um allan heim. Höfuðstöðvar Samskipa eru í Hollandi og frá stofnun þess á Íslandi árið 1991 hefur það stækkað hratt, bæði vegna innri vaxtar og kaupa á öðrum félögum. Meginstarfsemi félagsins byggir á gámaflutningum í Evrópu, flutningum á Norður-Atlantshafi, hitastýrðum flutningum um allan heim ásamt flutningsmiðlun og stórflutningum í Evrópu.

Samfélagsleg ábyrgð

Stefna Samskipa er að vera ávallt í fararbroddi á sviði umhverfismála. Við höfum sett okkur markmið til að draga úr losun gróðurhúsalofttegunda og lágmarka umhverfisáhrif. Við flokkum, losum, og eyðum sorpi og úrgangsefnum með umhverfisvænum aðferðum í samstarfi við viðurkennda aðila.

Umhverfismál

Við högum framleiðslu- og þjónustuferlum félagsins í samræmi við sett markmið og á þann hátt að tekið er tillit til áhrifa á náttúru, umhverfi og samfélag. Við greinum áhættu og leggjum áherslu á þjálfun starfsfólks, til að tryggja rétt vinnubrögð og viðbrögð.

Vinnustaðurinn

Við leggjum áherslu á jákvæð og góð samskipti og við berum virðingu fyrir störfum hvers annars. Það er okkur mikilvægt að búnaður á starfsstöðvum okkar sé til fyrirmyndar. Lögð er áhersla á að viðhalda og bæta við þekkingu og hæfni starfsfólks með markvissri endurgjöf, fræðslu og starfsþróun.

  • 650000+ Fluttir Gámar (TEUs) á ári
  • 20000 Gámar
  • 50+ Siglingar á viku
  • 1500 Starfsmenn um allan heim

Samskipafjölskyldan

  • CoolBox
  • jónar Transport
  • NorLines
  • Frigocare
  • Samskip Van Dieren Multimodal
  • Samskip IcePak Logistics