Flutningur innanlands

Boðið er upp á flutninga frá dyrum sendanda að dyrum móttakanda hvar á landinu sem er, hvort sem um er að ræða flutning á heilum gámum (20 eða 40 feta) eða lausavörusendingar. Allir flutningar fara fram landleiðina með fullkomnum bílaflota fyrirtækisins. Boðið er upp á flutninga frá dyrum sendanda að dyrum móttakanda hvar á landinu sem er.

Á vef innanlandsdeildar er að finna nánari upplýsingar um flutninga á búslóðum innanlands, tryggingar, hvernig best er að pakka búslóðinni, reikna umfang hennar í sérstakri reiknivél og óska eftir tilboði í flutninginn.

Verðlagning búslóðaflutninga er mismunandi eftir því hvaðan og hvert verið er að flytja. Einnig fer hún eftir því hvort um er að ræða heila gáma eða lausavöru.

Umfang búslóðar

Boðið er upp á flutning í heilum gámum í tveimur stærðum, 20 feta og 40 feta. Einnig taka Samskip innanlands að sér að flytja búslóðina lausa í flutningabílum. Þegar þannig er flutt er ávallt meiri hætta á hnjaski þar sem hvert stykki er meðhöndlað oftar en ef um gámaflutning er að ræða. Rétt er að miða pökkun og frágang við það.

Hægt er að fá hugmynd um umfang búslóðar í þar tilgerðu reiknilíkani. Endanlegt umfang reiknast þó ávallt við móttöku vöru.

Flutningur og pökkun

Í öllum tilfellum er nauðsynlegt að ganga mjög vel frá búslóðinni og pakka sem mestu í kassa og setja pappa eða þykkt plast utan um húsgögn og tæki. Á stærri hlutum þarf að hlífa öllum hornum. Ef búslóð er flutt laus í flutningabílum þá þarf að merkja alla hluti vandlega.

Tryggingar

Allar vörur sem fluttar eru með Samskipum innanlands eru tryggðar. Miðast tryggingaverndin við verðmæti varnings allt að 10.000.000 kr. Fari verðmæti vöru upp fyrir 10.000.000 kr. þarf að tryggja hana sérstaklega. 

Skilmálar farmtrygginga í innanlandsflutningi.

Bókun flutnings

Þegar flutningur er pantaður þarf að gefa upp brottfarar- og áfangastað og hvort um flutning í heilum gámum eða lausavöru er að ræða. Einnig þarf að taka fram hvort óskað sé eftir að varan sé sótt og hvort óskað er eftir heimakstri á áfangastað. Þegar pantaður er flutningur fyrir lausavöru þá þarf umfang (rúmmál) vörunnar (búslóðarinnar) að liggja fyrir.

Óskið eftir tilboði í flutning, einnig er hægt að hafa samband við þjónustufulltrúa okkar eða hringja í síma 458 8000.