Samskip hljóta gullmerki í jafnlaunaúttekt PwC

Samskip fengu gullmerkið eftir fyrstu úttekt PwC sem leiddi í ljós að hvorki þurfti að gera úrbætur né breytingar á launastefnu fyrirtækisins til þess að veita fyrirtækinu þessa viðurkenningu. Í jafnlaunaúttekt PwC er bæði tekið tillit til grunnlauna, fastra launa og heildarlauna, auk annarra þátta sem hafa áhrif á laun, s.s. menntun og starfsaldur.

Hjá Samskipum starfa um 500 manns við fjölbreytt störf víðsvegar um landið. „Við erum stolt af gullmerki jafnlaunaúttektar PwC því það er mikilvæg staðfesting á því að launastefna Samskipa byggir á þeim sjálfsögðu og eðlilegu gildum að greiða konum og körlum sömu laun fyrir sömu störf,” segir Pálmar Óli Magnússon, forstjóri Samskipa.

Á myndinni standa frá vinstri Hafsteinn M. Einarsson, Pálmar Óli Magnússon, Bára Mjöll Ágústsdóttir mannauðsstjóri og Þorkell Guðmundsson