Styrkveitingar

Óskir um styrki

Samskip huga að mörgum þáttum sem tengjast samfélagslegri ábyrgð, s.s. umhverfismálum, vinnuvernd og öryggismálum, orkumálum, mannauðsmálum auk sjálfbærni og hafa markað sér stefnu í þeim málaflokkum og fylgja henni fast eftir þannig að fléttist saman við starfshætti félagsins.

Samskip leggja margvíslegum málefnum lið á ári hverju, bæði góðgerðarmálum, menningarmálum og styrkja íþróttastarf á landinu öllu. Sérstök áhersla hefur verið lögð á að styrkja fjölbreytta starfsemi er tengist landsbyggðinni. Við erum auk þess þátttakandi í ýmsum félagasamtökum er tengjast atvinnugreininni og leggja sitt af mörkum til að auka veg og virðingu hennar.

Fyrir óskir um auglýsingar eða styrki, vinsamlegast sendið tölvupóst á netfangið styrkir@samskip.com

Sækja um styrk

Handknattleikssamband Íslands

Samskip eru einn af aðalstyrktaraðilum íslensku handboltalandsliðanna og hafa gegnt því hlutverki frá árinu 1998. Í tæplega þrjá áratugi hafa landslið karla og kvenna, sem og yngri landslið HSÍ, notið stuðnings okkar við undirbúning, mót og keppni, bæði hér heima og á erlendri grundu.

Stuðningur við íslenskt íþróttastarf er okkur hjartans mál. Handboltinn skipar sérstakan sess í íslensku samfélagi og hefur um árabil sameinað þjóðina á stórmótum og mikilvægustu augnablikum íþróttasögunnar. Það er okkur stolt og heiður að fá að standa að baki liðunum og leggja okkar af mörkum til að skapa þeim sem bestar aðstæður til árangurs.

Við hlökkum til að halda áfram að styðja við íslenskan handbolta og vera hluti af vegferð landsliðanna um ókomin ár.

Styrkir og stuðningur til samfélagsins

Samskip styrkja fjölmörg íþróttafélög í ýmsum greinum um lands allt árlega.
Við leggjum fjölmörgum góðgerðarfélögum og lista- og menningarviðburðum af ýmsu tagi lið á hverju ári.
Samskip hafa um árabil styrkt Andrésar Andar leikana á Akureyri en þar hafa margir efnilegir skíðamenn „runnið sinn fyrsta metra“.
Samskip eru einn af aðalstyrktaraðilum Hestamannafélagsins Spretts og styrkja Landsmót hestamanna reglulega.
Pollamót Samskipa er haldið ár hvert á Akureyri þar sem leikmenn á bestra aldri keppa sín á milli.
Samskip hafa verið þátttakendur í Eurorap verkefninu þar sem vegir landsins eru metnir með tilliti til öryggis fyrir vegfarendur og niðurstöður notaðar til að þrýsta á um úrbætur.
Samskip styrkja tónlistarhátíðina „Aldrei fór ég suður“ sem haldin er árlega á Ísafirði um páskana.