Markmið í loftlagsmálum

Samskip hafa einsett sér að draga úr losun gróðurhúsalofttegunda og lágmarka umhverfisáhrif með markvissum aðgerðum. Því hafa Samskip sett sér þrjú megin markmið:

• Minnka kolefnisfótspor í flutningum til og frá Íslandi og Færeyjum um 10% á næstu fimm árum, mælt í grömmum af CO2 á flutt tonn á hvern fluttan kílómetra eða úr 42 g/tonnkm 2015 í 38 g/tonnkm árið 2020. 
• Minnka kolefnisfótspor í innanlandsflutningum um 7% á næstu fimm árum, mælt í grömmum af CO2 á flutt tonn á hvern fluttan kílómetra eða úr 124 g/tonnkm 2015 í 115 g/tonnkm árið 2020.
• Auka hlutfall endurnýtanlegs úrgangs frá starfseminni úr 46% 2015 í 60% árið 2020.

Til þess að ná ofangreindum markmiðum verður lögð sérstök áhersla á eftirfarandi:

• Bæta nýtingu flutningakerfa 
• Bæta eldsneytisnýtingu 
• Minnka vægi jarðefnaeldsneytis í starfseminni 
• Auka flokkun á úrgangi á starfsstöðvum Samskipa

Samskip munu árlega birta niðurstöður úr mælingum og leita allra leiða til að ná settum markmiðum.

Fyrir hönd Samskipa 
Pálmar Óli Magnússon forstjóri