Samskip bakhjarlar tónlistarhátíðarinnar Aldrei fór ég suður
Samskip eru bakhjarlar tónlistarhátíðarinnar Aldrei fór ég suður, sem haldin verður á Ísafirði í tólfta sinn um páskana.
![](https://www.samskip.is/wp-content/uploads/../eplicamedia/frettir/Undirritun.jpg)
Eins og undanfarin ár er enginn aðgangseyrir að hátíðinni og því um einstakan viðburð að ræða. Allt tónlistarfólkið sem kemur fram gefur vinnu sína og fjölmargir sjálfboðaliðar leggja hönd á plóg. Stuðningur fyrirtækja gerir einnig kleift að sleppa því að rukka aðgangseyri. Allt þetta gerir hátíðina að því sem hún er.
Nú verður sú breyting á dagskrá hátíðarinnar að hún dreifist meira um bæinn og er mun fjölbreyttari en áður. Stórtónleikarnir sjálfir verða á laugardeginum en þó má segja að hátíðin byrji á fimmtudegi og sé því orðin að þriggja daga hátíð.
Færri hljómsveitir komast að en vilja en listinn yfir þátttakendur þetta árið er glæsilegur sem fyrr:
- Júníus Meyvant
- Gudrid Hansdottir
- Himbrimi
- Valdimar Guðmundsson
- Sigurvegarar Músiktilrauna 2015
- Hemúllinn
- Emmsé Gauti
- Mugison
- Rythmatik
- Prins Póló
- Valgeir Guðjónsson
- Amabadama
- Pink street boys
- Boogie trouble
Á myndunum má sjá Gísla Þór Arnarson, framkvæmdastjóra innanlandssviðs Samskipa undirrita samstarfssamninginn á baki fallega smiðsins, Péturs Magnússonar og einnig hljómsveitina Himbrima sem spilaði nokkur lög að undirritun lokinni.