Bremsulaus með ekkert útsýni

Jón Bjarni Hrólfsson ásamt aðstoðarliði sínu náði þeim frábæra árangri um helgina að ná á verðlaunapall í breska meistaramótinu í rallíkrossi.  Jón Bjarni keyrir á Subaru Impreza GC8 í rallíkrossútgáfu með 550 hestafla túrbínuvél sem skilar 720 Newton – metrum af togi.  Keppnin gekk ekki áfallalaust fyrir sig þar sem hann ók síðustu metrana bremsulaus með ekkert útsýni þar sem framrúðan var farin að leggjast inn í bílinn.  Á mótinu atti Jón kappi við bíla sem kosta allt að 100 milljónir en bíll hans er metinn á um 5 milljónir, því geta þau verið afar stolt af þessum frábæra  árangri og viljum við hjá Samskipum óska þeim innilega til hamingju með árangurinn