Verkfall boðað hjá skipstjórnarmönnum og vélstjórum
Skipstjórnarmenn og vélstjórar hafa boðað til verkfalls frá og með miðnætti 1. febrúar nk. takist ekki samningar fyrir þann tíma.
![](https://www.samskip.is/wp-content/uploads/../eplicamedia/frettir/IMG_0704.jpg)
Ef samningar nást ekki og verkfall skellur á, er ljóst að tvö af fjórum skipum, sem sinna áætlunarsiglingum til og frá Íslandi, verða stöðvuð.
Samkvæmt áætlun á Helgafellið að fara frá Kollafirði 1. febrúar á leið sinni til Reykjavíkur og Arnarfellið að fara frá Immingham á Bretlandseyjum áleiðis til Rotterdam.
Ef til verkfalls kemur gerum við ráð fyrir að skipin stoppi hér á Íslandi en að þau verði ekki losuð, nema um annað verði samið.
Fyrsta skipið sem þetta hefur áhrif á verður því Helgafellið við komu til Reykjavíkur 3.febrúar. Arnarfellið er áætlað til Reykjavíkur 10. febrúar.