Gámaskipið Samskip Hoffell kemur til hafnar í Reykjavík um kl. 17. Varðskipið Þór mun skila Hoffellinu af sér við Engey en þar taka dráttarbátar Faxaflóahafna við skipinu og aðstoða það síðasta spölinn að hafnarkantinum.

Varðskipið Þór er komið að Hoffellinu, þar sem það varð vélarvana um 160 sjómílum SV af Færeyjum.  Varðskipsmönnum gekk vel að koma taug yfir í Hoffellið þrátt fyrir töluverða ölduhæð.

Um hádegisbil í dag, sunnudaginn 10. janúar, varð Samskip Hoffell vélarvana um 160 sjómílum suðvestur af Færeyjum á leið til Íslands. Helgafell, skip Samskipa, er við Hoffellið og í samskiptum við áhöfn þess.  Varðskipið Þór mun draga Hoffellið til hafnar í Reykjavík.

Skoðun viðurkenndra eftirlitsaðila hefur leitt í ljós óverulegar skemmdir í vélarrúmi m/s Arnarfells eftir eldinn sem þar kom upp í gærkvöldi. Skipið siglir frá Immingham á Englandi á morgun.

Eldur kom upp í vélarrúmi m/s Arnarfells fyrr í kvöld. Skipverjum tókst að ráða niðurlögum eldsins og siglir skipið nú fyrir eigin vélarafli til áfangastaðar síns, Immingham á Englandi. 

Siglingaáætlanir fyrir 2016 eru komnar hér á vef Samskipa, en þar er að finna áætlanir fyrir skip Samskipa sem sigla um Norður-Atlantshafið, til og frá Íslandi, en það eru Arnarfell, Helgafell, Samskip Hoffell og Samskip Skaftafell.

Þriggja mánaða dagatölin frá Samskipum fyrir árið 2016 eru komin og að þessu sinni er myndin á dagatalinu af fulllestuðu Helgafellinu við Færeyjar.

Eftir óveður síðustu daga eru komnar uppfærðar komudagsetningar á skipunum.

Búið er að taka í notkun sjálfsafgreiðsluskjá hjá Landflutningum í Kjalarvoginum.  Þar er bæði hægt að skrá sendinguna eða sækja bókun sem forskráð hefur verið á landflutningar.is og gildir einu hvort sendandi eða móttakandi er greiðandi.

Búast má við skertri þjónustu í innanbæjarakstri næsta sólarhringinn sökum veðurs, þetta gildir um gámaakstur og lausavörudreifingu.