Samskip beina bótakröfum að Eimskipi vegna rangra sakargifta

Samskip hafa falið Mörkinni lögmannsstofu að sækja bætur á hendur Eimskipi vegna ólögmætra og saknæmra athafna félagsins gagnvart Samskipum. Fyrir liggur að Eimskip hefur í sátt við Samkeppniseftirlitið (SKE) lýst því yfir að félagið hafi átt í samráði við Samskip sem efnt hafi verið til á fundi 6. júní 2008 og í framhaldi þess fundar. Þessi yfirlýsing félagsins er röng og með öllu tilhæfulaus. Þá er það að sama skapi fullkomlega rangt að félögin hafi átt í samráði um breytingar á flutningakerfi, gert með sér samkomulag um skiptingu markaða, um álagningu gjalda eða um afsláttarkjör.

Ekkert leiðakerfi nær til allra staða

Í kvöldfréttum RÚV síðastliðinn föstudag lýsti forstjóri Samkeppniseftirlitsins, Páll Gunnar Pálsson, því svo að ákvörðun stofnunarinnar í máli Eimskips og Samskipa væri „landsbyggðarmál“ og vísaði þar til viðskipta félaganna á landflutningamarkaði. Virðist sem forstjórinn telji það hafa verið hagsmunamál fyrir landsbyggðina að koma í veg fyrir þessi viðskipti, sem höfðu tíðkast í fámennari byggðalögum til fjölda ára.

Viðbrögð við rangfærslum

Viðbrögð við rangfærslumSamskip telja rétt að bregðast við rangfærslum sem teknar hafa verið upp úr ákvörðun Samkeppniseftirlitsins um ætlað samráð félagsins og Eimskips.

Samskip fordæma ákvörðun Samkeppniseftirlitsins

Samskip hafna niðurstöðu rannsóknar Samkeppniseftirlitsins á ætluðu samráði Eimskips og Samskipa á árunum 2006 til 2013. Ályktanir um víðtækt og þaulskipulagt samráð eru með öllu tilhæfulausar og úr tengslum við gögn og staðreyndir. Samskip fordæma vinnubrögð Samkeppniseftirlitsins við rannsóknina og hyggjast fá niðurstöðunni hnekkt.

Útblástur sjóflutninga Samskipa hefur minnkað um 35% á fimm árum

Um mikilvægi vöruflutninga milli landa verður illa deilt enda forsenda alþjóðaviðskipta. Um leið er ljóst að starfsemin mengar. Í nýlegri umfjöllun Horizon, rits Framkvæmdastjórnar Evrópusambandsins um rannsóknir og nýsköpun, um nýja eldsneytisgjafa í skipaflutningum, kemur fram að þrjú prósent útblásturs gróðurhúsalofttegunda megi rekja til sjóflutninga.

Samskip styðja keppnislið RU Racing

Samskip hafa skrifað undir samning um styrk til Háskólans í Reykjavík vegna þátttöku keppnisliðs RU Racing í Formula Student, árlegri hönnunarkeppni og kappakstri háskólanema, sem að þessu sinni fer fram í Rúmeníu. Viðburðurinn hefst í lok júlí og stendur til 5. ágúst.

Samskip hljóta gullvottun EcoVadis 

Samskip hf. hafa hlotið gullvottun EcoVadis á sviði samfélagslegrar ábyrgðar og sjálfbærni. EcoVadis er alþjóðlega viðurkenndur vottunaraðili og er úttekt fyrirtækisins afar ítarleg og nær til frammistöðu fyrirtækja um allan heim. Með viðurkenningunni eru Samskip hópi efstu 5% fyrirtækja á heimsvísu sem vottuð eru af EcoVadis.

Næsta kynslóð vetnisskipa smíðuð fyrir Samskip

Samskip hafa samið um smíði tveggja vetnisknúinna flutningaskipa til notkunar á skemmri siglingaleiðum í Evrópu. Félagið, sem er alþjóðlegt með skrifstofur í 24 löndum, færir sig með þessu í átt að útblásturlausum skipaflutningum.

Samskip kynntu þjónustu sína í Barselóna

Sýninguna sóttu yfir 33 þúsund gestir, nærri fjórðungi fleiri en á síðasta ári. Íslensku fyrirtækin 45 sem þátt tóku eru hluti 2.078 fyrirtækja frá 87 ríkjum sem voru með bása á sýningunni, auk 68 þjóðarskála.